मिति २०७२ असाेज २७ गते, बुधबार, बिहान ११ बजे सेतीदोभान गाउँ विकास समिति वडा नं. ५ स्थित श्री प्रद्युन्न पनेरू उ.मा.वि.को प्रांगणमा जिल्ला विकास समितिको अायोजनामा सार्वजनिक सुनुवाइ कार्यक्रमको अायोजना गरिएको छ । उक्त कार्यक्रममा उक्त भेगमा बसाेबास गर्ने सराेकारवाला सेवाग्राही उपस्थित भइ दिनुहुन अनुराेध गरिन्छ ।

उक्त कार्यक्रमका विषय वस्तु र उदेश्यहरु निम्नानुसार रहेका छन् ।
विषय वस्तु
– अघिल्लो सुनुवाईहरुका प्रतिबद्धता र त्यस यता भएका प्रगतिहरु ।
– नागरिक प्रतिवेदन निर्गम अभिमतको नतिजा ÷प्रतिवेदन ।
– स्थानीय निकायको नीति, कार्यक्रम, बजेट तथा प्रगति ।
उदेश्यहरु
-स्थानीय निकायबाट उपलब्ध सेवा, वस्तु र सुविधा सार्वजनिक गरी त्यस्ता विषयक सम्बन्धमा सार्वजनिक थलोमा सेवाग्राही नागरिकले उठाएका प्रश्नहरुमा स्पष्टता ल्याउने र नागरिकबाट प्राप्त रचनात्मक सुझावलाई ग्रहण गर्ने । स्थानीय निकाय सार्वजनिक सुनुवाईको उद्देश्य रहनेछ ।
– दोहोरो सम्वादबाट जिम्मेवार अधिकारी र नागरिक वीचको दूरी कम गरी सेवा, वस्तु र सुविधा प्रदायक अधिकारी सहजकर्तामा रुपान्तरित भई सुशासनको प्रत्याभूति दिने यसको विशिष्ट उद्देश्य रहनेछ ।